Бидний тухай
МСМ Групп нь 1998 онд байгуулагдсанаасаа хойш нийт 500 гаруй мэргэшсэн, чадварлаг ажилтантайгаар Автомотив, Индастриал, Шингэн хүнс зэрэг бизнесийн үндсэн 3 салбарт хувийн болон үйлдвэрлэлийн зориулалттай, дээд зэргийн чанартай бүтээгдэхүүн, үйлчилгээг хүргэн ажиллаж байна.
МСМ Групп нь дэлхийд тэргүүлэх брэндүүд, тэдгээрийн философи, соёл, стандартыг эх орондоо танилцуулан, харилцагч түншүүдийн үйл ажиллагааг дэмжин хамтран ажиллах төдийгүй компанийн нийгмийн хариуцлагын хүрээнд нийгэм, эрүүл мэнд, байгаль орчин, урлаг соёл, хүүхдийн боловсрол зэрэг санаачилга, төсөл хөтөлбөрүүдийг тогтмол дэмжин ажилладаг.
Хувьцаа эзэмшигчид
ЛАУРЕНЦ МЕЛШЕРС
- МСМ Групп ХХК-ийн үүсгэн байгуулагч
- МСМ Групп ХХК-ийн Захирлуудын зөвлөлийн дарга
- Шинжлэх ухааны Бакалаврын зэрэг, Массачусеттсын Их сургууль
- “Монголын Бизнесийн Зөвлөл”-ийн ТУЗ-ийн гишүүн (2009–2012 онуудад ТУЗ-ийн дарга)
- Герман-Ази Номхон далайн Бизнес Холбооны Монгол улс дахь Төлөөлөгч
ДЭВИД РАЙНЕР
- МСМ Групп ХХК-ийн үүсгэн байгуулагч
- МСМ Групп ХХК-ийн Захирлуудын зөвлөлийн гишүүн
- Эдийн засаг/Улс төрийн Бакалаврын зэрэг, Хууль зүйн Докторын зэрэг, Өмнөд Калифорнийн Их сургууль
- Өмгөөлөгч 1994–1998
- Улаанбаатар хот дахь “АНУ-ын Худалдаа аж үйлдвэрийн танхим”-ын Захирлуудын зөвлөлийн гишүүн
- Улаанбаатар хот дахь “Олон улсын дунд сургууль”-ийн Захирлуудын зөвлөлийн гишүүн
ЭМ И ЭС КОМПАНИ
- Монголын Хөрөнгө Оруулалтын Сан нь өөрийн тусгай зориулалтын компани болох Mongolia Equipment Services (MES) компаниараа дамжуулан МСМ Групп ХХК-ийн хувьцаа эзэмшдэг бөгөөд MES компани нь МСМ Групп ХХК-ийн Захирлуудын зөвлөлд багтдаг.
Удирдлагын баг
Алсын хараа
МСМ Групп нь нийт ажилтан, харилцагч, түншүүдийн амьдрал, бизнесийн үйл ажиллагаанд бодитой хувь нэмэр оруулах бүтээгдэхүүн үйлчилгээг нэвтрүүлэх замаар нийгмийн хариуцлагатай, секторын тэргүүлэгч байгууллага байхыг эрмэлзэнэ. Бид тогтвортой хөгжлийн зарчмуудтай уялдсан бизнесийн үйл ажиллагааг хамтын ажиллагаа, идэвх санаачилга, шийдлийг эрхэмлэгч хамт олны эрх тэгш оролцоотойгоор хүргэнэ.
Эрхэм зорилго
МСМ Групп нь хувийн болон үйлдвэрлэлийн зориулалттай, дээд зэргийн чанартай бараа, үйлчилгээг нийлүүлдэг. Бид аюулгүй ажиллагаа, нийгмийн хариуцлага, ёс зүй, чанарыг эрхэмлэн дээдэлж, харилцагч түншүүдтэйгээ урт хугацааны тогтвортой харилцаатай байхыг зорилгоо болгон ажиллана.
Үнэт зүйлс
НЭГ МСМ-ийн “Хамтдаа” эрхэм зүйлс
Хамтдаа харилцагч төвтэй үйлчилгээг зорих
Харилцагч төвтэй үйлчилгээгээр дамжуулан харилцагчийн сэтгэл ханамжийг эрхэмлэх
Хамтдаа төгс гүйцэтгэлийг эрмэлзэх
Чанарын стандартыг өндөр түвшинд баримтлан, төгс гүйцэтгэлийг эрэлхийлэх
Хамтдаа нэг зорилгын дор нэгдэх
Нэгдмэл зорилгын төлөө хамтдаа тэмүүлэх
Хамтдаа ёс зүйтэй бизнес эрхлэх
Ёс зүйн өндөр хэм хэмжээг зарчим болгож, хууль ёсыг сахиж, нийгмийн хариуцлагатай, ёс зүйтэйгээр бизнесээ эрхэмлэх
Бидний түүх
Бодлого, журам
ЧАНАРЫН БОДЛОГО
Чанарын үзүүлэлт, бизнесийн үйл ажиллагаа, бүтээгдэхүүн үйлчилгээний чанараа тогтмол сайжруулан ажилласнаар хэрэглэгчдийн шаардлагыг хангаж, улмаар давуулан биелүүлнэ.
Чанарын Удирдлагын Тогтолцоо ISO 9001:2015-н бүхий л шаардлагыг амжилттай биелүүлж, Монгол улсын хуульд бүрэн нийцэж ажиллана;
Чанарын бодлого нь МСМ Группийн жил жилийн зорилтууддаа хүрэх, ажилчдаа чадавхжуулах үндсэн зарчим мөн бөгөөд түүнийг бүхий л оролцогч талуудад таниулах, тэдний ойлголтыг бэхжүүлэхийн төлөө ажиллана.
ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН БОДЛОГО
МСМ Групп ХХК нь бид бүхий л үйл ажиллагаандаа хөдөлмөрийн аюулгүй байдал, эрүүл ахуйн удирдлагын тогтолцоог үр дүнтэй хэрэгжүүлэх замаар нийт ажиллагсад болон бидэнтэй хамтран ажиллаж байгаа хэн бүхнийг эрүүл, аюулгүй ажлын байраар хангах болно. Бид бүс нутагтаа, салбартаа тэргүүлэгч компани байхыг, мөн үнэт зүйлстэйгээ нийцсэн үйл ажиллагаа явуулах, ажиллагсдадаа санаа тавих, хууль тогтоомж, гэрээгээр хүлээсэн үүргээ биелүүлэхийг зорьж ажиллана.
Дэлгэрэнгүй
БАЙГАЛЬ ОРЧНЫ БОДЛОГО
МСМ Групп ХХК нь өөрийн үйл ажиллагаанаас байгаль орчинд учирч болзошгүй нөлөөллийг ухамсарлаж байдаг. Бид тогтвортой хөгжлийн үзэл баримтлалыг дэмждэг бөгөөд эрхэлж буй бизнесийн бүх үйл ажиллагаандаа байгаль орчны хувьд хариуцлагатай байхыг чухалчилдаг.
Дэлгэрэнгүй
НУУЦЛАЛЫН БОДЛОГО
Энэхүү нууцлалын бодлого нь “МСМ Групп” ХХК болон түүний охин компаниуд (“Бетастар” ХХК болон ”Дэлхийн Шилдэг Техник” ХХК)-ийн (цаашид хамтад нь “МСМ Групп” гэх) гаргасан бүх онлайн платформуудад (вэбсайт, имэйл, гар утасны болон вэбэд суурилсан програмууд г.м) хэрэглэгдэнэ.
Энэхүү нууцлалын бодлого нь МСМ Групп таны хувийн мэдээллийн халдашгүй байдлыг хангахад орших бөгөөд мэдээллийг хэрхэн цуглуулж, ашигладаг талаар мэдээлэл өгөх зорилготой.
Дэлгэрэнгүй